ၽူႈၸၢႆးဢၼ်ဢမ်ႇလီတႄႇၼႃႈႁူိၼ်းၵုိၵ်း(႕)ၵေႃႉ

ၸဵမ်မူိဝ်ႈတႄႇႁဝ်းလႆႈပဵၼ်ႁူႉၸၵ်းၵၼ် ပဵၼ်ၵေႃႉႁၵ်ႉၵၼ်မႃးၼၼ်ႉႁဝ်းသၢဝ်သၢဝ်ၶဝ်ထုၵ်ႇလီႁူႉယဝ်ႉယူဝ်ႉလွင်ႈ ဝႃႈ ႁဝ်းထုၵ်ႇလီလႆႈတႄႇၼႃႈႁူိၼ်းၵုိၵ်း လႄႈဢမ်ႇထုၵ်ႇလီလႆႈတႄႇၼႃႈႁူိၼ်းၵုိၵ်းဢၼ်ဝႃႈၼၼ်ႉ။

႑ႉၽူႈၸၢႆးၵေႃႉဢၼ်ၸင်းၼႃႈၵၢၼ်ဢၼ်မၼ်းႁဵတ်း

ၼႃႈၵၢၼ်ဢၼ်မၼ်းႁဵတ်းယူႇၼၼ်ႉ ပဵၼ်ဢၼ်မၼ်းဢမ်ႇလႆႈၸႂ်၊ ဢမ်ႇၸၢင်ႈႁဵတ်းႁုိဝ်လႄႈႁဵတ်းၵႂႃႇဢဝ်ၵမ်ႈ

မၼ်းပဵၼ်ဝႃႈ ၼႃႈၵၢၼ်တၢင်ႇဢၼ် ဢၼ်ၶုိၵ်ႉၶႅမ်ႉသေၵၢၼ်ဢၼ်မၼ်းႁဵတ်းၼၼ်ႉ မီးတၢင်းၼမ်ၵေႃႈဢမ်ႇ ယွမ်းႁႃႁဵတ်း ၵွမ်ႉၵူၺ်းႁဵတ်းဢဝ်ဢၼ်မၼ်းမီးယူႇၼၼ်ႉၵူၺ်းသေ ယူႇၵႂႃႇၼၼ်ႉ ဢမ်ႇထုၵ်ႇလီလႆႈႁူမ်ႈႁွမ်း တႄႇတင်ႈၼႃႈႁူိၼ်းၸွမ်း။ ၵွပ်ႈသင်ၼႆ သင်ဝႃႈၶၢဝ်းယၢမ်းႁုိင်မႃး ယွၼ်ႉပူိဝ်ႈ ၵၢၼ်မၼ်းၼၼ်ႉသေမၢင်ပွၵ်ႈ တေၸၢင်ႈဢဝ်မႃးတူိဝ်ႉၶူိၵ်ႈ တၢင်းႁၵ်ႉႁဝ်းၼၼ်ႉယဝ်ႉ။

႒ႉၽူႈၸၢႆးၵေႃႉဢၼ်ဢဝ်ၸႂ်ပၵ်းႁဵတ်းၼႂ်းၼႃႈၵၢၼ်မၼ်းပူၼ်ႉဢႃးလႃး

ၶေႃႈၼႆႉတေႉ တေၶႂ်ႈသၢၼ်ၶတ်းၵၼ်တၢင်းၶေႃႈမၢႆၼုိင်ႈၼၼ်ႉဝႆႉ။ ဢမ်ႇပၼ်ၶၢဝ်းယၢမ်းဢၼ်လုိဝ်ႈသဝ်းသေ ၶတ်းၸႂ်ႁဵတ်းၵၢၼ်ႁႅင်းပူၼ်ႉၼႃႇ ႁဝ်းၶႂ်ႈလႆႈသင်ၶဝ်သုိဝ်ႉပၼ်လႆႈၵူႈလွင်ႈ သမ်ႉဝႃႈႁဝ်းလႆႈမီးၶူဝ်းၶွင်ၵူႈလွင်ႈဝႃႈ ၼႆသေတႃႉ ၵွပ်ႈဝႃႈၶဝ်ဢမ်ႇမီးၶၢဝ်းယၢမ်းသုၼ်ႇတူဝ်ပုၼ်ႈတႃႈႁဝ်းလႆႈလႄႈ ၼႃႈႁူိၼ်းတေဢမ်ႇမူၼ်းလႆႈ။

႓ႉၽူႈၸၢႆးၵေႃႉဢၼ်ၵူဝ်မႄႈပေႃးသၼ်ႇ

ၽူႈၸၢႆးမၢင်ၵေႃႉၼႆႉ ၸၢင်ႈပဵၼ်လုၵ်ႈၸၢႆးဢၼ်မႄႈမၼ်းႁၵ်ႉႁႅင်းပူၼ်ႉတီႈ။ တုိၼ်းဝႃႈမႄႈႁဝ်းၼၼ်ႉယဝ်ႉ မႄႈမၼ်းၶႂ်ႈလၢတ်ႈသင်လၢတ်ႈ ၶႂ်ႈၸႂ်ႉသင်ၸႂ်ႉ တုိၼ်းဢဝ်မႄႈမၼ်းဝႃႈလွၼ်ႉလွၼ်ႉ။ ႁၢၼ်ႉတေႃႇယႂ်ႇမႃႈၵႃႈသုင် တေႃႇဢႃႇယူႉႁဝ်းပေႃးထုိင်တီႈဢၼ်ႁဝ်းမေႃတႅပ်းတတ်းႁင်းၵူၺ်းႁဝ်းၼၼ်ႉ လႆႈၶၢမ်ႇတၢင်းမႄႈၵုမ်းၵမ်မႃး ၵူႈၶၢဝ်းယၢမ်းၼၼ်ႉၵေႃႈထုၵ်ႇလီငူိင်ႉဝႄႈယဝ်ႉ။ ၵွပ်ႈသင်ၼႆ တေႃႈဢမ်ႇသင် မူိဝ်ႈဝၼ်းၵေႃႉႁၵ်ႉၼၼ်ႉ တင်းၵေႃႉ ႁၵ်ႉမၼ်းသေ တင်းမႄႈမၼ်း သုိဝ်ႉမႃးသိၼ်ႈတူင်ႇမဵဝ်းလဵဝ်ၵၼ်သေပၼ်ၵေႃႉဢၼ်ဢၼ်ၼၼ်ႉ သင်ဝႃႈတႄႇ ၼႃႈႁူိၼ်းၵုိၵ်းၵၼ်မႃးၼႆတေပဵၼ်ၸူိင်ႉႁုိဝ်။

႔ႉၽူႈၸၢႆးဢၼ်ဢမ်ႇတွၼ်ႉပၼ်ထူပ်းတႆးၵေႃႉၶဝ်

သင်ဝႃႈတေတူၺ်းၼႃႈၶၢတ်ႈၵူၼ်းၵေႃႉၼုိင်ႈၼႆၸုိင် တေလႆႈတူၺ်းၵူၼ်းႁိမ်းႁွမ်းမၼ်းဢွၼ်တၢင်းယဝ်ႉ။ မၼ်းၵပ်းသုိပ်ႇၵူၼ်းႁိမ်းႁွမ်း၊ တႆးၵေႃႉမၼ်းၸူိင်ႉႁုိဝ် တူၺ်းၸူိဝ်းၼႆႉၵူၺ်းၵေႃႈႁူႉလႆႈယဝ်ႉဝႃႈ မၼ်းပဵၼ်ၵူၼ်း ၸူိင်ႉႁုိဝ်။ ယႃႇဝႃႈတေၵပ်းသုိပ်ႇပၼ်တႆးၵေႃႉၶဝ်လႃႈ သင်ဝႃႈမီးတုိဝ်ႉတၢင်းတႃႇတေထူပ်းတင်းတႆးၵေႃႉၶဝ်မႃး ၼႆ ꧦဝႆႉသေၵွၼ်ႇလႃႈ လွင်ႈၼၼ်ႉꧦ သင်ၶဝ်လၢတ်ႈမႃးၸူိင်ႉၼႆၸုိင် မူိၼ်တင်းၶဝ်မီးတၢင်းၽိတ်းသေဢၼ်ꧦ ၼၼ်ႉယဝ်ႉ။

႕ႉ ၽူႈၸၢႆးဢၼ်ဢမ်ႇယုမ်ႇဝႃႈႁဝ်းလူိၵ်ႈၶဝ်မႃးပဵၼ်လွင်ႈတေႉ

သင်မႃးတူၺ်းတီႈၼႆၸုိင် ႁဝ်းတေလႆႈလူိၵ်ႈၸူိင်ႉႁုိဝ်လႃႇပေႃးၼႆ မၼ်းတေၸၢင်ႈထၢင်ႇဝႃႈ ႁဝ်းႁၵ်ႉမၼ်းႁႅင်း ၼႃႇၼႆၼၼ်ႉယဝ်ႉ။ ၵွပ်ႈသင်ၼႆ ယွၼ်ႉပူိဝ်ႈမၼ်းဢမ်ႇယုမ်ႇတူဝ်မၼ်းလႄႈၸင်ႇလႆႈဝူၼ်ႉၸူိင်ႉၼႆယူႇၶူိဝ်းယႂ်း ယဝ်ႉ။ ၽူႈၸၢႆးဢၼ်ႁဝ်းထုၵ်ႇလီဢဝ်ၼၼ်ႉ ယုမ်ႇယမ်ၼူိဝ်ႁဝ်းပူၼ်ႉဢႃးၵေႃႈဢမ်ႇလီပဵၼ်သေဢမ်ႇၵႃး ဢၼ် ယုမ်ႇယမ်တူဝ်ၸဝ်ႈၵဝ်ႇပူၼ်ႉတီႈၼၼ်ႉၵေႃႈ လီလႆႈငူိင်ႉဝႄႈယဝ်ႉ။

လႅင်းၸႅင်ႈ 

2/September/2014