ပၢႆးယူႇလီ

ၵိၼ်ၼမ်ႉ ပဵၼ်ပႆၢးယူႇလီၸူိင်ႉႁုိဝ်

ၵူၼ်းႁဝ်းၵမ်ႈၼမ်ၼမ် လွင်ႈဝႃႈၼမ်ႉၼႆႉမၼ်းလွင်ႈယႂ်ႇ၊ မၼ်းလူဝ်ႇလႆႈၸႂ်ႉတုိဝ်းၵူႈၶၢဝ်းယၢမ်း ဢၼ်ဝႃႈၼၼ်ႉ ဢမ်ႇလၢတ်ႈေၵႃႈ လႅပ်ႈေတႁူႉၵၼ်ယူႇ ၵူၺ်းၵႃႈ လူဝ်ႇလႆႈၵိၼ်ၶိင်ႇၶၢဝ်းလႂ် ေတ သၢင်ႇထုၵ်ႇဢၼ်ဝႃႈၼၼ်ႉ တူၺ်းဢဝ်တီႈတႂ်ႈၼႆႉၶႃႈ-

႑ႉ ၵၢင်ၼႂ်ယၢမ်းမူိဝ်ႈလုၵ်ႉမႃး-ၵွၵ်းၽၢၼ်ႇၼုိင်ႈၵွၵ်း ဢမ်ႇၼၼ်သွင်ၵွၵ်းေၵႃႈလီ မၼ်းေတႁဵတ်းႁႂ်ႈ လူိတ်ႈၼႂ်းတူဝ်ႁဝ်းတုိၼ်ႇသၢၼ်ႈ ေလႇၸွတ်ႇလီမႃး၊ ေတလၢင်ႉသုၵ်ႈပႅတ်ႈဢၼ်ၵိုတ်းၶင်ႉဝႆႉၼႂ်းသႆႈ သဵၼ်တၢင်းၵႂႃႇၸူးႁူင်းၶဝ်ႈေသယဝ်ႉ ေတႁဵတ်းႁႂ်ႈ မီးႁႅင်းၶူိင်ႇၶမ်ႉၶုိၼ်ႈမႃးယဝ်ႉ။

႒ႉ မူိဝ်ႈပႆႇၵိၼ်တၢင်းၵိၼ်-ၸဵမ်မူိဝ်ႈပႆႇလႆႈၵိၼ်ၶဝ်ႈ ဢမ်ႇၼၼ်တၢင်းၵိၼ်ၼၼ်ႉ ဢွၼ်တၢင်းမွၵ်ႈ သၢမ်သိပ်းမိၼိတ်ႉၼၼ်ႉ လူဝ်ႇလႆႈၵိၼ်ပၼ်ၼုိၵ်ႈၵွၵ်း ဢမ်ႇၼၼ် သွင်ေၵႃႈလီယဝ်ႉ၊ ဝႆၢးၵိၼ်ၼမ်ႉ ယဝ်ႉၸင်ႇၵိၼ်ၸုိင် တၢင်းၵိၼ်ဢၼ်ႁဝ်းေတၵိၼ်ၼၼ်ႉေၵႃႈ ေတႁဵတ်းႁႂ်ႈလႅဝ်ငႆၢႈလီ ၼူိဝ်ႉလူိတ်ႈ ႁဝ်းေၵႃႈေတမီးႁႅင်းၸုပ်ႇဢဝ် ဢၼ်ပဵၼ်တၢင်းၵိၼ်ၸူိဝ်းၼၼ်ႉမႃးလႆႈလီလီယဝ်ႉ။

႓ႉ ဝႆၢးၵိၼ်ၶဝ်ႈယဝ်ႉ- ဝႆၢးၵိၼ်ၶဝ်ႈယဝ်ႉၼၼ်ႉ ပဵၼ်ၶၢဝ်းဢၼ်ႁဝ်းတွင်ႉမႆႈၼမ်ႉေသပူိၼ်ႈယဝ်ႉ၊ ၵူၺ်းၵႃႈ ၽူႈမီးပၺ်ႇၺႃႇပႆၢးယႃႈယႃၶဝ်ဝႃႈ ဢမ်ႇထုၵ်ႇလီၵိၼ်ၼမ်ႉဝႆၢးေသၵိၼ်ၶဝ်ႈယဝ်ႉၼႂ်းၶၢဝ်း တၢင်း ၶုိင်ႈၸူဝ်ႈမွင်းၼႆဝႃႈ မၼ်းေတၸၢင်ႈၵႂႃႇယႃႉ တၢင်းၵိၼ်ဢၼ်တုိၵ်ႉႁႃၵိၼ်ယဝ်ႉၼၼ်ႉၼႆဝႃႈ

႔ႉ ၶၢဝ်းယၢမ်းႁူဝ်ၶမ်ႈ -ၶၢဝ်းယၢမ်းႁူဝ်ၶမ်ႈမွၵ်ႈ ႒ မွင်း ႓မွင်းႄတႇၵႂႃႇ ထုၵ်ႇလီလႆႈၵိၼ်ပၼ်ၼမ်ႉ မွၵ်ႈသွင်ၵွၵ်းၼႆႉၼႆယဝ်ႉ၊ ၶၢဝ်းယၢမ်းဢၼ်ႁဝ်းႁူိဝ်ႉမႃးတင်းဝၼ်းၼၼ်ႉ သင်ဝႃႈႁဝ်းၵိၼ်ၼမ်ႉၶၢဝ်း ၼၼ်ႉၼႆ ေတၸၢင်ႈပၢင်ႇဢူၵ်းၸုိၼ်ႈသႂ်ၵႂႃႇၼႆယဝ်ႉ။

႕ႉ ၵၢင်ၶမ်ႈၶၢဝ်းၸမ်ၼွၼ်း-ၶၢဝ်းၸမ်ၼွၼ်းဢၼ်ဝႃႈၼၼ်ႉၸမ်ႉ ႁဝ်းေတလႆႈၵိၼ်ပၼ် မူိဝ်ႈႁဝ်း ပႆႇၼွၼ်းမွၵ်ႈ လူဝ်ႇထႅင်ႈမွၵ်ႈၸူဝ်ႈမွင်းၼၼ်ႉယဝ်ႉ။ မူိဝ်ႈၶၢဝ်းႁဝ်းၼွၼ်းၼၼ်ႉ မၼ်းလူဝ်ႇမီးဝႆႉ ၼမ်ႉ ဢၼ်တဵမ်ထူၼ်ႈပုၼ်ႈတႃႇေတႁုင်ပၼ်တၢင်းၵိၼ်ၼႂ်းတွင်ႉႁဝ်းၸူိဝ်းၼၼ်ႉယဝ်ႉ သမ်ႉဝႃႈႁဝ်း ၼွၼ်းေၵႃႈၼႂ်းတွင်ႉၼႂ်းတူဝ်ႁဝ်းမၼ်းႁဵတ်းၵၢၼ်ႁၢဝ်ႈႁႅင်းဝႆႉႄလႈ မၼ်းလူဝ်ႇၼမ်ႉဝႆႉယဝ်ႉ။

ေၶႃႈယုိၼ်

ၶၢဝ်းယၢမ်းဢၼ်မႆႈႁွၼ်ႉၼၼ်ႉ မၢင်ပွၵ်ႈမၢင်လႂ်ႁဝ်းတွင်ႉမႆႈၼမ်ႉႁၢဝ်ႈႁႅင်းဝႆႉႁိူဝ်ႇႁဝ်းေၵႃႈဢွၵ်ႇ၊ ၼၼ်ႉေတႉဢမ်ႇလူဝ်ႇမၵ်းမၼ်ႈၶၢဝ်းယၢမ်းေသၵိၼ်ပၼ်ေၵႃႈလႆႈယူႇၼႆဝႃႇ၊ မူိဝ်ႈဢၼ်မႆႈႁႅင်းၼႃႇ ၼၼ်ႉ သင်ႁဝ်းတွင်ႉမႆႈႁႅင်းၸုိင် ၽူိဝ်ႇတႃႉၵိၼ်ၼမ်ႉဝၢၼ် ၼမ်ႉမၢၵ်ႇမႆႉၼၼ်ႉ ၵိၼ်ၼမ်ႉလိပ်းၼႆႉ ၶႅမ်ႉလႅပ်ႈေသၼၼ်ႉၼႆဝႃႇ။

ၸွမ်းၼင်ႇဢၼ်ႄၼမႃးတီႈၼူိဝ်ၼႆႉ မၼ်းေတၸၢင်ႈပၼ်ၽွၼ်းလီႁဝ်းႁႃးၸူိဝ်းဢၼ်သူင် တူၺ်း ပလွၵ်ႉၶႃႈႁဝ်းၼႆႉယူႇၵမ်ႈၽွင်ႈၶႃႈေၼႃႈ သင်ဝႃႈမႅၼ်ႈေၵႃႈဢဝ် ဢမ်ႇမႅၼ်ႈၼႆေၵႃႈၸိၸမ်ႈမႃးလီလီ လႆႈယူႇၶႃႈ။