သွင်ႉယူႇထုပ်ႉႁဝ်းၶႃႈပိုတ်ႇပဵၼ်တၢင်းၵၢၼ်
ဝၼ်းထိ 2 May 2020 မိူဝ်ႈယၢမ်းၵၢင်ၼႂ် တိုၵ်ႉၵိၼ်ၶဝ်ႈယူႇၼၼ်ႉ ၶႃႈႁဝ်းပိုတ်ႇတူၺ်းၽူင်းသေလႆႈႁၼ် မႅၼ်ႈၶေႃႈၵႂၢမ်းဢၼ် Youtube ၶဝ်သူင်ႇမႃးပၼ်ဝႃႈ သွင်ႉယူႇထုပ်ႉသူ ႁပ်ႉပဵၼ်တၢင်းၵၢၼ်တႃႇတေလႆႈငိုၼ်းယဝ်ႉၼႆ Congratulations ၼၼ်ႉ၊ ၽိူဝ်ႇၶႃႈႁၼ်ၵေႃႈ ၶႂ်ႈၵျွၵ်းၵႃႈၵမ်းလဵဝ်ယဝ်ႉ ၵူၺ်းၵႃႈ မိူဝ်ႈၵိၼ်ၶဝ်ႈၼၼ်ႉ ၵိၼ်ၸွမ်းၵူၼ်းၼမ်လႄႈ ဢမ်ႇႁဵတ်းၼင်ႇၵဝ်ႇသႄႈ၊ ၵူၺ်းၵႃႈၼႂ်းၸႂ်ၼႆႉတႄႉ ပေႃးၶူမ်းလိုတ်းလိုတ်းယဝ်ႉဝႃႈ၊ ၶႂ်ႈလၢတ်ႈၼႄတႆးၵေႃႉႁႂ်ႈၶဝ်ႁူႉၸွမ်းပေႇၸႂ်ယဝ်ႉ ပေႃးတၢၼ်ႇဝႃႈ ပွၵ်ႈထီႇယဝ်ႉလႄႇ။ သွင်ႉယူႇထုပ်ႉၶႃႈႁဝ်းလူင်းဝႆႉတႄႉ မီးလၢႆလွင်ႈဝႆႉယူႇၶႃႈ မိူဝ်ႈလဵဝ် တေမီးဝႆႉဢၼ်ၵူၼ်းတူၺ်းၼမ်ၵေႃႈ ပဵၼ်တြႃးၸဝ်ႈတႃသႅင်၊ ပဵၼ်ၵႂၢမ်းပၢၼ်ၵဝ်ႇ လႄႈ သွၼ်ၽူဝ်ႇတူဝ်ႇသွပ်ႉၸိူဝ်းၼႆႉၶႃႈဢေႃႈ။ သွင်ႉယူႇထုပ်ႉ ၸဝ်ႈတႃသႅင် ဢုပ်ႇၵုမ်ႇလႅၵ်ႈလၢႆႈၵၼ် ဢၼ်ပူင်သွၼ်ၽူဝ်ႇတူဝ်ႇသွပ်ႉ
